Ողբերգական դեպք Արագածոտնի մարզում. «ԶԻԼ»-ը գլխիվայր շրջվել է, դիերը ավտոմեքենայի տակից դուրս են բերել փրկարարները

Այսօր՝ սեպտեմբերի 9-ին, ողբերգական դեպք է տեղի ունեցել Արագածոտնի մարզում։ Ժամը 14։10-ի սահմաններում ՀՀ արտակարգ իրավիճակների նախարարության փրկարար ծառայության 9-11 ճգնաժամային կառավարման կենտրոն ահազանգ է ստացվել, որ Արագած գյուղի վարչական տարածքում՝ գյուղից մոտ 2.5-3 կմ հեռավորության վրա գտնվող սարամիջյան ճանապարհին, ЗИЛ մակնիշի բեռնատարը, մի քանի պտույտ գլորվելով, գլխիվայր շրջվել է, և կան կասկածներ, որ մեքենայի տակ քաղաքացիներ կան։ 

Ինչպես տեղեկացնում է shamshyan.com-ը,  փրկարարները օպերատիվորեն ժամանած բժիշկների և ճանապարհային ոստիկանների ու քաղաքացիների օգնությամբ մեծ դժվարությամբ ուղղել են ավտոմեքենան և այնտեղից դուրս բերել 2 դի, որոնք շտապօգնության ավտոմեքենայով տեղափոխվել են Աշտարակի բժշկական կենտրոն։ 

Ոստիկանությունը պարզում է վարորդի և մահացածների ինքնությունը։ Ֆոտոլրագրողը հայտնում է, որ բեռնատարում եղել են գառներ, որոնց մի մասն էլ սատկել է։