Սևանի, Երևանյան լճի հատակին թանգարաններ կբացվեն

Սևանում, Երևանյան լճում և այլ ջրամբարներում պետք է թանգարաններ բացվեն. «Ազատություն» ռադիոկայանի ֆեյսբուքյան ասուլիսի ժամանակ ասաց ՀՀ մշակույթի նախարար Արմեն Ամիրյանը:

Նա նշեց, որ թանգարանը պետք է ջրասուզակների համար լինի, քանի որ խորհրդային շրջանի բազմաթիվ արձաններ կան, որոնք պահված են: «Թանգարան կառուցելով`  կկարողանանք զբոսաշրջության համար նոր հնարավորություններ ստեղծել: Թանգարանը կլինի նաև ափամերձ տարածքում, ոչ միայն ջրի տակ, այսինքն` թեմատիկ թանգարան կլինի, որը կունենա թաքնված գանձեր, ջրանցքուղիներ, իսկ թանգարանի աշխատակիցները կօգնեն երեխաներին, որ նրանք բացահայտեն այդ գանձերը»,- ասաց նախարարը:

Նա տեղեկացրեց նաև, որ հաջորդ տարի նախատեսում են բացել տիկնիկների, լուսանկարչական և գորգերի թանգարաններ: