Վիրտուալ այց աշխարհի թանգարաններ

Google-ը հնարավորություն է ընձեռում բոլոր ցանկացողներին ինտերնետի միջոցով ծանոթանալ աշխարհի առաջատար 17 թանգարանների ցուցանմուշներին, այդ թվում` Լոնդոնի ազգային պատկերասրահի, Սանկտ Պետերբուրգի Էրմիտաժի, Նյու Յորքի Մետրոպոլիտենի ցուցանմուշներին. տեղեկացնում են բրիտանական լրատվամիջոցները:

Լոնդոնի ազգային պատկերասրահի տնօրենի կարծիքով` վիրտուալ էքսկուրսիան հնարավորություն կտա տեսնելու մեծ վարպետների ստեղծագործությունների` սովորական աչքով անտեսանելի մանրամասները:

Նախագածի իրականացման ընթացքում կտավները նկարահանվել են ժամանակակից տեխնոլոգիաների միջոցով, ապա, մասնագետների խոսքերով, հավաքվել են հսկայական վիրտուալ ցուցասրահում: Ընդ որում` ցուցանմուշների որակը հազար անգամ գերազանցում է ժամանակակից թվային խցիկով արված նկարների ցուցանիշները: