Շրջակա միջավայրի նախարարությունում քննարկել են Սեւանա լճի խնդիրները. ներկայացվել է լճի առկա վիճակը

Շրջակա միջավայրի նախարարության նախաձեռնությամբ տեղի է ունեցել քննարկում, որն ուղղված էր Սեւանա լճի հիմնախնդիրների լուծմանը։

Նախարարությունից Yerkir.am-ին հայտնում են, որ հանդիպմանը մասնակցել են Հայաստանում Եվրամիության պատվիրակության, Հայաստանում Շվեդիայի Թագավորության դեսպանության խորհրդական-դեսպանորդ, գործերի ժամանակավոր հավատարմատար Բիրյեր Կարլսոնը, Գերմանիայի միջազգային համագործակցություն ընկերության (GIZ), «Վեոլիա ջուր» ՓԲ, «Գեոկոմ» ՍՊ ընկերությունների ներկայացուցիչները եւ Շրջակա միջավայրի նախարարության ստորաբաժանումների ղեկավարները։

Նշվում է՝ նախարարության մասնագետները ներկայացրել են Սեւանա լճի առկա վիճակը, կեղտաջրերի մաքրմանն առնչվող խնդիրների լուծումները, գետահուների մաքրման ծրագիրը եւ Սոթքի լքված պոչամբարի ուսումնասիրության արդյունքները։

Քննարկվել է նաև Սևանա լճի էկոհամակարգերի վերականգնման համար անհրաժեշտ ֆինանսական միջոցների ներգրավման հարցը։