Թող յուրաքանչյուրը մեր չափ հաջողության հասնի. Գագիկ Բեգլարյան

Երբ մարդիկ աշխատանքից դուրս են գալիս՝ չի նշանակում, որ նրանցից ազատվում են. այսպես արձագանքեց տրանսպորտի եւ կապի նախկին նախարար Գագիկ Բեգլարյանը, երբ լրագրողները հետաքրքվեցին, թե ինչու է ՀՀԿ-ն ազատվում իր հին կադրերից:

«Փոխարինվում են մարդիկ, որոնց աշխատանքներին մենք ոգեւորված հետեւում ենք: Թող յուրաքանչյուրը մեր չափ հաջողության հասնի»,- հայտարարեց նա:

Հարցին ի պատասխան, թե նեղացած չէ՞ Սերժ Սարգսյանից, Գագիկ Բեգլարյանը եւս մեկ անգամ կրկնեց իր հայտնի խոսքը` նեղանալը տղամարդու համար չէ:

Լրագրողները նշեցին, որ Հյուսիս-հարավ ճանապարհի շինարարության ընթացքում չարաշահումներ են եղել: Նախկին նախարարը հայտարարեց. «Երբեք չարաշահումներ Հյուսիս-հարավում չեն եղել»:

Ի դեպ, Բեգլարյանը նաեւ տեղեկացրեց, որ առայժմ հանգստանում է` տանը՝ թոռնիկի հետ: