ՏԵՍԱՆՅՈՒԹ․ Մեր թիմում յուրաքանչյուրը իր գործի գեներալն է և, միևնույն ժամանակ, իր գործի զինվորը․ Սեյրան Օհանյան

Բանակում ընդունված է ասել, որ զինվոր չէ այն զինվորը, որը չի ձգտում գեներալ դառնալու, իսկ Ռոբերտ Քոչարյանը, իր աշխատանքի տարիներին, ավելացրեց հետևյալը՝ «գեներալ չէ այն գեներալը, որը դադարում է հոգով զինվոր լինելուց»՝ ըստ Yerkir.am-ի ասաց գեներալ-գնդապետ, ՀՀ պաշտպանության նախկին նախարար, «Հայաստան» դաշինքի անդամ Սեյրան Օհանյանը Սյունիքում հանրահավաքի ընթացքում։

«Հիմա մենք այստեղ մի թիմով ենք, որտեղ յուրաքանչյուրը իր գործի ղեկավարն է, իր գործի գեներալն է և, միևնույն ժամանակ, իր գործի բանվորն ու զինվորն է։ Մենք բոլորս տրամադրված, մեր ղեկավարի գլխավորությամբ, պատրաստ ենք աշխատանքի հանուն Հայաստանի Հանրապետության։ Մենք գիտենք՝ ինչն է բերել այս վիճակին, անփորձ, ապիկար և մանրախնդիր ղեկավարները, որոնք չգիտեն իրենց գործը, դրա համար իրենց մտքերը իջեցնում են ամենացածր աստիճանի։ Մենք գալիս ենք մի թիմով, որի մեջ բոլորը փորձառու են»,-ասաց Սեյրան Օհանյանը։

Մանրամասն՝ տեսանյութում․