«Կեցցե դաշնակ կամավորը»

Երգչուհի Սիրուշոն, ինչպես հայտնի է, վերջերս թողարկել է «Արմատ» ալբոմը, որի շրջանակներում հանդես է եկել հայտնի «Գինի լից» երգի կատարմամբ:

Երգի նոր կատարումը շատերի կողմից հավանության արժանացավ, սակայն, մյուս կողմից, դժգոհության ալիք բարձրացրեց հատկապես երիտասարդ դաշնակցականների շրջանակում:

Նշենք, որ երգը ներկայացնում է Դաշնակցության պատմության անմոռանալի էջերից մեկի՝ Սողոմոն Թեհլերյանի սխրագործությունը:

Սիրուշոն իր կատարման մեջ, սակայն, փոխել է բառերը, չի հնչեցնում բնօրինակում տեղ գտած «Կեցցե դաշնակ կամավորը» ձեւակերպումը, ինչից հետո աշխարհի տարբեր ծայրերում բնակվող դաշնակցականները համացանցում իրենց դժգությունն արտահայտելու համար տեղադրեցին հեշթեգեր՝ «Կեցցե դաշնակ կամավորը» գրությամբ:

Ուշագրավ է, որ օրեր անց Սիրուշոն ֆեյսբուքյան իր պաշտոնական էջում հրապարակել է «Գինի լից»-ի ճիշտ տարբերակը: