Շարունակում ենք զինտեխնիկա ձեռք բերել, ինչի մասին միշտ չէ, որ խոսում ենք. Արծրուն Հովհաննիսյան

Մեր երկիրը, ինչպես նախկինում, այնպես էլ այսօր, թե՛ թափանցիկ, թե՛ ոչ թափանցիկ, ունի սպառազինման համակարգեր. այսօր «Ազատություն» ռադիոկայանի ուղիղ եթերում հայտարարեց ՀՀ ՊՆ մամուլի քարտուղար Արծրուն Հովհաննիսյանն` անդրադառնելով հարցին, թե Ադրբեջանը հաճախ է հայտարարում իր` այս կամ այն զինատեսակները գնելու մասին, և արդյո՞ք մենք համարժեք քայլեր ենք կատարում:

Ըստ Հովհաննիսյանի` ՀՀ ԶՈՒ սպառազինումը կատարվում է ինչպես բյուջետային միջոցներով, այնպես էլ` արտաբյուջետային և, բնականաբար, վարկերի միջոցով: «Ես նախկինում ասել եմ, բայց չեմ զլանա և հիմա էլ կասեմ` չարաբաստիկ 200 000 միլիոնի ձեռքբերումից առաջ էլ, հետո էլ մենք շարունակում ենք զինտեխնիկա ձեռք բերել, ինչի մասին միշտ չէ, որ խոսում ենք»,- ասաց նա: