Կարմիր շուկայի ուղղությամբ փորձել են մատակարարումներ բերել մեքենաներով և ճեղքում իրականացնել. անձնակազմով բեռնված մեքենա է խոցվել. Արծրուն Հովհաննիսյան

Պաշտպանության բանակի ստորաբաժանումների կողմից Բերձոր-Շուշի ճանապարհահատվածի Լիսագորի հատվածը մաքրվել է հակառակորդի դիվերսիոն խմբերից:

Լրագրողների հետ հանդիպմանն ասաց ՀՀ ՊՆ ներկայացուցիչ Արծրուն Հովհաննիսյանը:

Չնայած երեկ Բերձորի ճանապարհը Լիսագորի հատվածում, որը կարող էր վտանգ ներկայացնել, այսօր մեր ստորաբաժանումների կողմից այն մաքրվել է, և համապատասխան պարեկություն է իրականացվում: Բայց քաղաքացիական անձանց համար այդ ուղղությունն անվտանգության նկատառումներից ելնելով դեռ փակ է, քանի որ կարող են հրետակոծել, դիվերսիոն խմբերը որոշակի վնաս պատճառեն»,-նշեց նա:

Արծրուն Հովհաննիսյանն ասաց, որ այսօր Կարմիր շուկայի ուղղությամբ ադրբեջանական կողմից փորձել են մատակարարումներ բերել մեքենաներով և ճեղքում իրականացնել, բայց մի քանի մեքենա խոցվել է, այդ թվում` անձնակազմով բեռնված, և թշնամին այդ ուղղությունից հետ է շպրտվել: