Էրդողանը բարեհաճել է խոսել անչափահասների բռնաբարության վերաբերյալ սկանդալային որոշման մասին

Թուրքիայի նախագահ Ռեջեփ Թայիփ Էրդողանն, ի վերջո, խոսել է իր կուսակցության՝ անչափահասների բռնաբարության վերաբերյալ սկանդալային որոշման մասին:

Նշենք, որ Էրդողանի կուսակցության 6 անդամներ մեջլիսում քննարկել էին անչափահասների բռնաբարության վերաբերյալ որոշում, համաձայն որի` բռնաբարության ենթարկված անձը կամուսնանա իր դեմ սեռական ոտնձգություն իրականացրած հանցավորի հետ՝, ընդ որում` վերջինս կազատվի քրեական պատասխանատվությունից:

Ըստ Demokrathaber-ի՝ Էրդողանը երկար լռությունից հետո ընդամենը հայտարարել է, որ կառավարությունը պետք է հաշվի առնի այդ հարցով բոլոր քննադատություններն ու առաջարկները:

Նշենք նաև, որ, չնայած բոլոր անախորժություններին, այնուամենայնիվ, որոշումն այսօր պետք է քննարկվի մեջլիսում: