Պետք է կյանքի կոչվեն Վիեննայի եւ Սանկտ Պետերբուրգի պայմանավորվածությունները,մեր դիրքորոշումը դա է. Շարմազանով

Այսօր տեղի ունեցած ՀՀԿ ԳՄ նիստից հետո կուսակցության խոսնակ Էդուարդ Շարմազանովը լրագրողներին ներկայացրել է նիստի օրակարգը: Շարմազանովը նշել է,որ նիստում քննարկել են ԵԱՀԿ Մինսկի խմբի համանախագահների՝ հերթական տարածաշրջանային այցի արդյունքները:

Կապված  Հայաստանի եւ Ադրբեջանի նախագահների հնարավոր հանդիպման հետ, ինչի մասին խոսեցին համանախագահները՝ ինչպես Երեւանում,այնպես էլ՝ Բաքվում,Շարմազանովն ասել է. «Բան չեմ կարող ասել: Առաջիկա շաբաթների ընթացքում չի նախատեսվում: Ապագայում հնարավոր է,թե չէ,կապրենք-կտեսնենք: Պետք է կյանքի կոչվի Վիեննայի եւ Սանկտ Պետերբուրգի պայմանավորվածությունները,մեր դիրքորոշումը դա է, որոնք Ադրբեջանն արհամարհում է: Երեկ մենք սահմանին զոհ ունեցանք: Համանախագահները պետք է ստիպեն Ալիեւին՝ հարգել այդ պայմանավորվածությունները»: