Ողբերգական վթար` Շիրակի մարզում. 22-ամյա վարորդը մահացել է

ՀՀ ՔԿ Շիրակի մարզային քննչական վարչությունում քննություն է տարվում՝ պարզելու Անի կայարան գյուղի մոտակայքում մահվան ելքով վթարի հանգամանքները։

Yerkir.am-ը ՀՀ քննչական կոմիտեից տեղեկացավ, որ, նախնական տվյալներով, հոկտեմբերի 18-ին՝ ժամը 13-ի սահմաններում, Շիրակի մարզի Անի կայարան գյուղի մոտակայքում վթարի է ենթարկվել Արմավիրի մարզի Ալաշկերտ գյուղի բնակիչ, 22-ամյա Սմբատ Բաղդասարյանի վարած «ՎԱԶ 21010» մակնիշի ավտոմեքենան։ Վթարի հետևանքով վարորդը մահացել է։

Ահազանգի հիման վրա անմիջապես դեպքի վայր է մեկնել քննչական խումբը։ Շիրակի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասի հատկանիշներով, ձեռնարկվում են անհրաժեշտ քննչական գործողություններ՝ վթարի հանգամանքները պարզելու ուղղությամբ։