Արտաքին շուկաներում Հայաստանը ներկայացվելու անհրաժեշտություն ունի. Գագիկ Մակարյան

Արտաքին շուկաներում Հայաստանը ներկայացվելու անհրաժեշտություն ունի. Լրագրողների հետ հանդիպման ժամանակ նշեց տնտեսագետ, ՀՀ գործատուների հանրապետական միության նախագահ Գագիկ Մակարյանը` անդրադառնալով Սերժ Սարգսյանի Նյու Յորքյան այցին:

Ըստ Մակարյանի` Հայաստանի ինտեգրումը ԵԱՏՄ կառույցին բերեց նրան, որ այնտեղ տնտեսական համագործակցությունը առանձնապես չի զարգանում: «ԵԱՏՄ երկները գտնվում են կաղող վիճակում, բոլորը ունեն տնտեսական խնդիրներ, կոռուպցիոն խնդիրներ, ներդրումների խնդիրներ: Հետևաբար մեր ներդրումները մենք չենք կարող միայն որոնել այդ երկրներից: Չնայած նրան, որ նոր վարչապետի կապերի շնորհիվ հնարավոր է Ռուսաստանից ավելի գեներացվեն ներդրումները, բայց այդ ցուցանիշներն էլ շատ ցածր կլինեն»,- նակտեց բանախոսը:

Մակարյանը նշեց, որ մոտավորապես 8 տարի առաջ մեր օտարերկրյա ներդրումները կազմում էին ՀՆԱ-ի 8,7 տոկոսը, սակայն այդ թվերը 14 թվականին իջան 3,7 տոկոսի, իսկ հիմա 1,7 տոկոս են կազմում: «Մենք ունենք օտարերկրյա ներդրումների նվազող տենդենց ՀՆԱ-ի նկատմամբ, այն դեպքում, երբ տարածաշրջանի որոշ երկրներ մեզանից ավելի հաջող ցուցանիշներ ունեն` Վրաստանը, Ադրբեջանը»,- ընդգծեց տնտեսագետը:

Բանախոսը նկատեց, որ առաջին դեմքով նման ֆորումներում հանդես գալը շատ կարևոր է: «Երկրների ղեկավարները անձամբ մասնակցելով` որոշակի երաշխիք են տալիս այդ պրոցեսներին»,- ասաց նա` հավելելով` ԱՄՆ-ում որպես նյույորքյան ֆորում դա հետաքրքիր է, գրավել է նաև որոշ այլ երկնրեի ուշադրությունը. ներդումների պրոցեսը տեսնենք թե ինչպես պետք է գնա:

Այս ամենին զուգահեռ տնտեսագետը կարծիք հայտնեց, որ անհրաժեշտ է երկրում առանձնապես խթանել տեղական ներդնողների բանակը: «Չնայած նրան, որ օտարերկրյա ներդնողները ավելի մեծ գումարներով են հանդես գալիս, ինչի հնարավորությունը մեր ներդնողները չունեն, բայց անյունամենայնիվ, հայկական ներդրողը կարող է ակլտերնատիվ տարբերակ լինել»,- ասաց նա:

Մակարյանը նշեց, որ ներքին ներդնողների շուկան պետք է խթանել հատուկ էքսքլյուզիվ կառավարության կողմից կիրառվող մեթոթաբանությամբ, առանձնահատուկ ուշադրությամբ, առանձնահատուկ սուբսիդավորմամբ կամ հարկերից ժամանակվոր ազատմամբ: «Վարկային մեխանիզմով, եթե պետք է ներքին ներդնողը գնա, որովհետև իր ռեսուսրները սահամանափակ են, ապա այսօրվա բանկային համակարգը խիստ տոկոսադրույքներով առանձնապես ոգևորող չի, տոկոսադրուքյները բարձր են, բանկերը շատ մեծ գումարներ տրամադրել չեն ցանկանում և այլն, սրա վրա է պետք աշխատել»,- նկատեց բանախոսը: