ԱՄՆ-ը չի մասնակցի ՀԱՀ-ում կայանալիք G20 գագաթնաժողովին․ Թրամփը մեկնաբանել է

ԱՄՆ նախագահ Դոնալդ Թրամփը հայտնել է, որ Միացյալ Նահանգների որևէ ներկայացուցիչ չի մասնակցի Հարավաֆրիկյան Հանրապետությունում կայանալիք G20-ի գագաթնաժողովին։ Այս մասին ԱՄՆ նախագահը գրել է Truth Social սոցիալական հարթակում։

Դոնալդ Թրամփը քննադատել է Հարավաֆրիկյան Հանրապետության իշխանություններին՝ հայտարարելով, որ երկրում ոտնահարվում են մարդու իրավունքները։

«Բացարձակ ամոթ է, որ G20-ը կանցկացվի ՀԱՀ-ում։ Աֆրիկացիների սպանությունները և նրանց հողերի ու ֆերմաների ապօրինի առգրավումները պետք է դադարեցվեն։ Քանի դեռ ՀԱՀ-ում շարունակվում են մարդու իրավունքների խախտումները, ԱՄՆ-ի ոչ մի ներկայացուցիչ չի մեկնի գագաթնաժողովին»,-գրել է նա։

Թրամփը հավելել է, որ սպասում է 2026 թվականին Ֆլորիդայի Մայամիում նախատեսված G20 գագաթնաժողովին։