Գեղարքունիքում որդին դաժանաբար սպանել է մորը

Գեղարքունիքի մարզի Ներքին Գետաշեն գյուղում երեկ ողբերգական դեպք է տեղի ունեցել: Նախնական տվյալներով` Ներքին Գետաշենի բնակիչ` 27-ամյա երիտասարդը դանակի բազմաթիվ հարվածներով սպանել է մորը:

Yerkir.am-ին ՀՀ քննչական կոմիտեից հայտնեցին, որ դեպքի առթիվ ՀՀ քննչական կոմիտեում հարուցվել է քրեական գործ` ՀՀ ՔՕ 104-րդ հոդվածի 1-ին մասի՝ սպանության հատկանիշներով:

Նախնական քննությամբ պարզվել է, որ որդին վիճաբանել է մոր հետ և դանակով բազմաթիվ հարվածներ հասցրել նրա՝ կենսական նշանակություն ունեցող օրգաններին, ինչի հետևանքով մայրը մահացել է: Սպանության կասկածանքով ձերբակալվել է տուժածի որդին: Կատարվում է քննություն` դեպքի հանգամանքները պարզելու համար: