Շիրակի մարզում որդին սպանել է մորը

Շիրակի մարզի Լուսաղբյուր գյուղում 1985 թվականին ծնված Հովհաննես Չեռնոմորյանը վիճաբանել է մոր՝ 1964 թվականին ծնված Հայկուշ Սարգսյանի հետ: Այնուհետև որդին սպանել է մորը: Այս մասին yerkir.am-ին տեղեկացրին Լուսաղբյուրից:

Հովհաննես Չեռնոմորյանը բերման է ենթարկվել:

ՀՀ ոստիկանությունից էլ տեղեկացնում են, որ այսօր ժամը 2-ի սահմաններում, Շիրակի մարզի Լուսաբաց համայնքի ղեկավարից ոստիկանության Անիի բաժնում ահազանգ է ստացվել, որ իրենց գյուղի հովիվը սպանել է մորը: Ահազանգով մեկնած օպերատիվ խումբը պարզել է, որ 1985 թ. ծնված Հովհաննես Չեռնոմորյանը տանը, ալկոհոլ օգտագործած վիճակում, վիճաբանել է մոր՝ 1964 թ. ծնված Հայկուշ Սարգսյանի հետ, բռունցքի հարվածներ հասցրել և սպանել նրան:

Կատարվում է նախաքննություն: