Մոսկվայում հային սպանողները հարբած են եղել. մանրամասներ

Արդեն տեղեկացրել ենք, որ Մոսկվայում` Ռյազանյան պողոտայում, գարեջրի վաճառքի կետի մոտ 3 երիտասարդներ դանակահարելով  սպանել են վաճառակետի սեփականատիրոջը` 69-ամյա հայ Լեւ Քամալյանին եւ նրա օգնականին` 36-ամյա ղրղզստանցի Նուրիկ Մունդուզովին: 

Սպանության մեջ կասկածվում են սափրագլուխներ:

Московский комсомолец-ը սպանության որոշ մանրամասներ է ներկայացրել: Ականատեսների խոսքերով` երեք երիտասարդները հարբած են եղել և  անհեթեթ բանի պատճառով վիճել հայի հետ,   այնուհետև հանել դանակը և հարված հասցրել սրտի հատվածում: Քամալյանը տեղում մահացել է: Երկրորդ զոհը դարձել է նրա օգնականը:

Չարագործության ականատեսն է դարձել 29-ամյա Ալեքսանդրը: Նա վազել է երիտասարդների հետևից, փորձել բռնել նրանց, սակայն արդյունքում վիրավորվել է ուսից: Ալեքսանդրը տեսել է հանցագործների դեմքը, նրանց որոնում են: