Կողբի 25-ամյա բնակիչը սպանել է հորը

Տավուշի մարզի Նոյեմբերյանի տարածաշրջանի Կողբ գյուղում այսօր՝ օգոստոսի 4-ի առավոտյան, ողբերգական դեպք է տեղի ունեցել: Գյուղի բնակիչ` 25-ամյա Սարո Աբգարյանը որսորդական հրացանով սպանել է հորը՝ 61-ամյա Արտաշես Աբգարյանին:  Այս մասին Yerkir.am-ին հայտնեց Կողբի գյուղապետ Արամայիս Աբովյանը: «Դեպքը տեղի է ունեցել առավոտյան: Վիճել են, տղան էլ կրակ է բացել հոր վրա ու սպանել»,- ասաց նա:

Կողբի գյուղապետարանի աշխատակազմի ղեկավար Սերժիկ Բարսեղյանն էլ մեզ հետ զրույցում ասաց, որ Սարո Աբգարյանն ուներ հոգեկան շեղումներ: «Իրենց մոտ դա գեներով է. քույրն էլ ունի նման խնդիրներ: Ժառանգական է, էլի: Ընդհանուր առմամբ՝ նորմալ ընտանիք է, էդ տղան էլ ագրեսիվ չէր, բայց տեսեք, թե ինչ եղավ: Ունեին  որսորդական գրանցված հրացան, ու հենց էդ հրացանով էլ կրակել է հոր վրա ու սպանել»,- ասաց նա: