Քասախում որդին ծեծելով սպանել է հորը

Օրերս անհայտ քաղաքացուց ոստիկանության Նաիրիի բաժնում  ահազանգ էր ստացվել, որ Քասախ գյուղի բնակիչ` 1924 թ. ծնված Ժորա Սարգսյանն իր բնակարանում հանկարծամահ է եղել: 

Մեկնած օպերատիվ խումբը նշված բնակարանում հայտնաբերել էր Ժ. Սարգսյանի դիակը` դեմքի, կրծքավանդակի և ձեռքերի դաստակների կապտուկներով:

Ձեռնարկված օպերատիվ-հետախուզական միջոցառումների շնորհիվ ոստիկանությունը բերման է ենթարկել 1962 թ. ծնված Առուշան  Սարգսյանին: Նա խոստովանել է, որ հունվարի 20-ին` ժամը 21.00-ի սահմաններում, տանը կոտրված աթոռի փայտով ծեծի է ենթարկել հորը` Ժորա Սարգսյանին, և մարմնի տարբեր մասերում պատճառել վնասվածքներ:

Փաստի առթիվ ոստիկանության Նաիրիի քննչական բաժանմունքում ՀՀ քրեական օրենսգրքի 112 հոդվածի 2-րդ մասի 14-րդ կետով հարուցվել է   քրեական գործ: Առուշան  Սարգսյանը կալանավորված է: