Կողբի կոոպերատիվին հողամաս կնվիրաբերվի` ջերմատուն կառուցելու համար

Կառավարության այս շաբաթվա նիստի օրակարգում է ընդգրկված մի հարց, որը նախատեսում է համաձայնություն տալ Տավուշի  մարզի  Կողբի  գյուղական  համայնքում  «ՕՔՍՖԱՄ»  հայաստանյան մասնաճյուղի և Ավստրիայի զարգացման գործակալության հետ կնքված դրամաշնորհային պայմանագրով «Մշկավանք գյուղատնտեսական ասոցիացիա» կոոպերատիվին հողամաս նվիրաբերելուն` համայնքում  5.233.1 հազ. դրամ  արժեքով  ջերմատուն  կառուցելու համար:

 Տարածքը  0.12589 հա  մակերեսով է և արժե 1 միլիոն  189 հազար դրամ:

Նշենք, որ «ՕՔՍՖԱՄ» հայաստանյան մասնաճյուղը Ավստրիայի զարգացման գործակալության հետ կնքված դրամաշնորհային պայմանագրի համաձայն` իրականացնում է Տավուշի մարզի փոքր  ֆերմերային  տնտեսությունների հզորացում գյուղատնտեսական  կոոպերատիվների  և  գյուղատնտեսական  արժեշղթայի  զարգացման  միջոցով»  ծրագիրը: Ծրագրի շրջանակներում Կողբ համայնքում ստեղծվել է «Մշկավանք   գյուղատնտեսական  ասոցիացիա»  կոոպերատիվը, որը համարվում է նշված ծրագրի շահառուն, և ծրագրի շրջանակներում մոնտաժավորված ջերմատունը պետք է փոխանցվի այդ շահառուին` սեփականության իրավունքով:  Հիմնվող  ջերմատունը «Մշկավանք  գյուղատնտեսական  ասոցիացիա»  կոոպերատիվի  սեփականությունն է լինելու: