Մասնավոր հիվանդանոցները միայն բուժվելու համար չեն, այլև՝ ընտանիք կազմելու. Թուրքիայի վարչապետ

Թուրքիայի վարչապետ Բինալի Յըլդըրըմը հիվանդանոցներում արտակարգ իրավիճակների ծառայությունների մասին հայտարարություն է արել, որը նրան գցել է ծիծաղելի դրության մեջ:

Ըսոտ Demokrathaber-ի՝ նոր հիվանդանոցների բացման ուղղությամբ տարվող աշխատանքների մասին հայտարարելուց հետո Յըլդըրըմը նշել է, որ հիվանդանոցներում արտակարգ իրավիճակների ծառայությունները ոչ միայն զբաղվում են մարդկանց բուժմամբ, այլև՝ ընտանիք կազմելով:

«Նախորդ օրը բարեկամներիցս մեկը պատմեց, զարմացա: Բայրամի ժամանակ քաղաքացիները գնում են արտակարգ իրավիճակների բաժին՝ աղջիկ փնտրելու: Ինչո՞ւ են գնում՝ աղջիկ փնտրելու:  Ուրեմն մասնավոր հիվանդանոցներն այլևս միայն բուժվելու համար չեն, այլև՝ ընտանիք կազմելու: Ահա, թե ուր ենք հասել»,- հայտարարել է Թուրքայի վարչապետը: