Մենք Դավութօղլուին ենք ուզում. թուրք ծերունին՝ ընդդեմ Էրդողանի որոշման

Թուրքիայի վարչապետ Ահմեդ Դավութօղլուն երեկ պաշտոնապես հայտնեց իր հրաժարականի մասին:

Իր ծննդավայր Քոնիա այցի ժամանակ մարդիկ հավաքվել են օդանավակայանում` Դավութօղլուին դիմավորելու:

«Մենք նրան ենք ուզում: Ամբողջ ազգը նրան է ուզում: Ես չեմ ուզում, որ նա հեռանա: Ուզում ենք նրան կուսակցության ղեկավարի պաշտոնում տեսնել»,- լաց լինելով` ասել է օդանավակայանում Դավութօղլուի ժամանմանը սպասող ծերունիներից մեկը:

Հիշեցնենք, որ վերջերս թուրքական մամուլում շրջանառվում են Էրդողան-Դավութօղլու տարաձայնությունների մասին լուրեր: Չի բացառվում նաև այն հանգամանքը, որ Էրդողանը անսահմանափակ ուժ ունենալու նպատակով դավադրություն է կազմակերպում` վարչապետին պաշտոնանկ անելու համար:

Նշենք նաև, որ  «Արդարություն և զարգացում» կուսակցության` մայիսի 22-ին կայանալիք արտահերթ համագումարում Դավութօղլուն չի առաջադրի իր թեկնածությունը կուսակցության նախագահի պաշտոնում: