Դավութօղլուին կփոխարինի Էրդողանի փեսան. թուրք պատգամավոր

Թուրքիայում քրդամետ Ժողովուրդների դեմոկրատական կուսակցության պատգամավոր  Դենգիր Միր Մեհմեթ Ֆըրաթը, ով իշխող «Արդարություն և զարգացում» կուսակցության հիմնադիրներից է եղել, մեկնաբանել է ԱԶԿ-ում Ահմեդ Դավութօղլուի լիազորությունների սահմանափակման մասին տեղեկությունը։

Ըստ Cumhuriyet-ի` Ֆըրաթը հայտարարել է, որ շուտով երկրի վարչապետ է դառնալու կա'մ Էրդողանի փեսա Բերաթ Ալբայրաքը, կա'մ հեռահաղորդակցության հարցերով գործող նախարար Բինալի Յըլդըրըմը։

«Դավութօղլուն արդեն կորցրել է գլխավոր ղեկավարի դիրքը, սակայն, ցավոք, հրաժարական չտվեց։ Որևէ կուսակցության մեջ նման բան չի եղել, նման կերպ լիազորությունները ղեկավարի ձեռքից չեն վերցվել։ Սա նշանակում է, որ կուսակցությունը Դավութօղլուին չի վստահում»,- նշել է պատգամավորը: