Բոլորը պետք է իմանան. երգիչ Եսայի Ալթունյանը Մարտակերտից տեսանյութեր է հրապարակում

2015-ին «Եվրատեսիլ» երգի մրցույթում Հայաստանը ներկայացնող «Geneology» խմբի անդամ, ֆրանսահայ երգիչ, երգահան և դերասան  Եսայի Ալթունյանն արդեն երրորդ օրն է՝ Արցախում է:

Եսային ֆեյսբուքյան իր էջում տեղադրել է տեսանյութ, որտեղ ներկայացնում է հակառակորդի կրակոցների հետևանքով Մարտակերտում ավերված երաժշտական դպրոցը:

Եսային գրում է.«Ապրիլի 27. Մարտակերտը ռումբերի տակ է` չնայած կնքված հրադադարին: Բոլորս պետք է իմանանք և աջակցենք Արցախին»:

Երգիչը Երևանում Հայոց ցեղասպանության 101-րդ տարելիցի միջոցառումներին մասնակցելուց հետո մեկնել է Արցախ, նախ եղել Ստեփանակերտում, իսկ արդեն նա Մարտակերտում է:

Տեսանյութն` այստեղ: