Եթե Մոսկվան չվաճառի, այլ երկրներից զենք կգնեն. Մեդվեդև

ՌԴ-ի տեղը կարող են այլ երկրներ զբաղեցնել, եթե Մոսկվան դադարի զենք վաճառել Բաքվին: Այդ մասին Вести в субботу հաղորդմանը տված հարցազրույցում հայտարարել է ՌԴ վարչապետ Դմիտրի Մեդվեդևը:

«Կսկսեն զենք գնել այլ երկրներից, և դրա մահաբերության մակարդակը դրանից չի նվազի: Միևնույն ժամանակ, կարող է խախտվել հավասարակշռությունը, որ գոյություն ունի այն բանի հետ կապված, որ մենք հասկանում ենք՝ ինչպիսին է մեր գործընկերների պահանջարկը, և բոլորը պատկերացնում են՝ ինչպիսին է ուժերի դասավորությունը տարածաշրջանում»,- ասել է նա:

Մեդվեդևը նշել է, որ այլ երկրների մուտքն այդ շուկա չի բարելավի իրավիճակը, ավելի շուտ կարող է ավելի բարդացնել այն: