ԱՄՆ-ը ոչ թե դադարեցրել, այլ խզել է միջուկային համաձայնագիրը. Մեդվեդև

ՌԴ վարչապետ Դմիտրի Մեդվեդևը հայտարարել է, որ ԱՄՆ-ը ոչ թե դադարեցնում է մասնակցությունը Միջին և փոքր հեռահարության հրթիռների ոչնչացման մասին համաձայնագրին, այլ խզում է այն. հայտնում է ТАСС-ը: Այդ մասին նա ասել է Լյուքսեմբուրգի վարչապետի հետ համատեղ  մամուլի ասուլիսում:

ՌԴ կառավարության ղեկավարը նշել է, որ դա խաթարել է միջազգային անվտանգության ռեժիմը: «Հենց դա էլ արեցին ամերիկացիները, որոնք հորինված  պատճառով` ռուսական կողմի տեսանկյունից, ուղղակի ասացին, որ դադարեցնում են, սակայն իրականում, բոլորը հասկանում են դա, խզեցին համաձայնագիրը, որը միջազգային անվտանգությունն ու ռազմավարական կայունությունն ապահովող փաստաթղթերից էր»,- ասել է Մեդվեդևը: