Եթե ​​ԱՄՆ-ը Թուրքիային F-16 չվաճառի, կարող են մտածել Ռուսաստանից Սու-57 գնելու մասին

Թուրքիան կարող է դիտարկել ռուսական Սու-57 ինքնաթիռներ գնելու հարցը, եթե ԱՄՆ Կոնգրեսը հրաժարվի իրեն F-16 կործանիչներ վաճառել. գրում է թուրքական Milliyet թերթը։

Անկարան Վաշինգտոնից խնդրել է 40 F-16 Block 70 կործանիչ և 80 Block 70 արդիականացման կոմպլեկտներ արդեն իսկ գործող թուրքական F-16-ների համար։ Եթե այս խնդրանքը չհաստատվի, Անկարան կսկսի այլընտրանքներ փնտրել, այդ թվում՝ ռուսական Սու-57-եր։

Milliyet թերթը չի բացառում, որ կարող են դիտարկվել նաեւ Ֆրանսիայից ու Մեծ Բրիտանիայից ինքնաթիռներ ձեռք բերելու տարբերակներ։ Եթե ԱՄՆ Կոնգրեսը հավանություն տա F-16 գործարքին, ապա այդ ինքնաթիռները բավարար կլինեն հանրապետության պաշտպանական կարիքների համար, քանի դեռ Անկարան շահագործման չի հանձնել սեփական TF-X կործանիչը, որը մշակվում է 2016 թվականից։