Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 8 տարի առաջ - 2016-04-08 14:24
Հասարակություն

Ադրբեջանն անօդաչու սարք է ուղարկել Ստեփանակերտի տարածք` «ամենաանհարմար» պահին

Ադրբեջանն անօդաչու սարք է ուղարկել Ստեփանակերտի տարածք` «ամենաանհարմար» պահին

Երեկ, երբ Ստեփանակերտում հանդիպում էին ԼՂՀ նախագահ Բակո Սահակյանն ու ԵԱՀԿ Մինսկի խմբի համանախագահները, Ստեփանակերտի օդային տարածքում հայտնվել է ադրբեջանական անօդաչու սարք, որն անմիջապես ոչնչացվել է Արցախի հակաօդային պաշտպանության ուժերի կողմից: Այս մասին Yerkir.am-ի հետ զրույցում ասաց ԼՂՀ նախագահի մամուլի խոսնակ Դավիթ Բաբայանը:

Ըստ նրա` իրավիճակն ուղղակի զավեշտի է նման, քանի որ դեպքը տեղի է ունեցել հենց այն ժամանակ, երբ ԼՂՀ-ում համանախագահների հանդիպումն էր ընթանում:

«Մենք, իհարկե, այդ մասին տեղյակ ենք պահել ԵԱՀԿ Մինսկի խմբի համանախագահներին: Նրանք, բնական է, որևէ բան չկարողացան ասել, քանի որ առողջ տրամաբանություն ունեցող որևէ մարդ Ադրբեջանի նման պահվածքը չի կարող բացատրել»,- ասաց Բաբայանը:

Հարցին, թե, նրա կարծիքով, ինչո՞վ է պայմանավորված հանգամանքը, որ անօդաչու սարքն ուղարկում են հենց այն ժամանակ, երբ համանախագահների հանդիպումն է ընթանում, նա պատասխանեց, որ իրենք դա բնութագրում են որպես ահաբեկչություն և ապուշություն: «Այս երկուսի միաձուլումն է դա, այլ կերպ չի կարող դա բացատրվել»,- ասաց Բաբայանը: 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը