Զոհված օդաչուների տարհանման հատուկ նշանակության գործողության ընթացքում կիրառվել է անօդաչու սարք

Նոյեմբերի 12-ին հակառակորդի կողմից խոցված հայկական ուղղաթիռի անկման վայրում ԼՂՀ ՊԲ-ի կողմից իրականացված` ուղղաթիռի անձնակազմի անդամների դիակների տարհանման գործողություններին մասնակցած հատուկ նշանակության ջոկատայիններից կազմված խմբի անդամները կարժանանան պետական պարգևների:

Ի դեպ, բուն գործողությունն իրականացրել են չորս հատուկջոկատայիններ:

Yerkir.am-ի տեղեկություններով` հատուկ նշանակության գործողության ընթացքում գործի են դրվել մի քանի տեսակի օդային սարքեր, այդ թվում` անօդաչու սարք, որը մեր պրակտիկայում առաջին անգամ է գործարկվել:

Հիշեցնենք, որ այսօր Նոր Նորքի Սուրբ Սարգիս եկեղեցում կկայանա զոհված օդաչուների հոգեհանգստի արարողակարգը` քաղաքացիական և զինվորական հրաժեշտի արարողությունը, իսկ վաղը` նոյեմբերի 25-ին օդաչուներին կհուղարկավորեն Եռաբլուրում: