Թուրքիան ընդունակ չէ անօդաչու թռչող սարք մշակել

Տարածաշրջանային տերության դերի ձգտող Թուրքիան ինքնուրույն չի կարող անօդաչու թռչող սարք մշակել. գրում է newsru.co.il կայքը:

Թուրքական բանակը իսրայելական արտադրության 10 Heron տեսակի անօդաչու ինքնաթիռ ունի, սակայն վերջերս թուրք-իսրայելական հարաբերությունների վատթարացման պատճառով Թուրքիան որոշել է ինքնուրույն արտադրություն սկսել:

Թուրքական ինքնաթիռը կոչվում Anka: Ըստ նախագծողների` այն նախատեսված է ավելի քան մեկ օր 10 կմ բարձրության վրա թռիչքի համար, սակայն 2010-ի դեկտեմբերից կատարվող փորձարկումներն անհաջողության են մատնվել. առաջին թռիչքը տեւել է 14 րոպե, երկրորդը` մոտ 1,5 ժամ, երրորդը` 2 ժամ: Թռչող սարքերն էլ վայրէջքի ժամանակ ջարդուփշուր են եղել:

Ինքնաթիռը նախագծողները համոզված են, որ այդ խնդիրները ժամանակավոր են, սակայն ՄԱԿ-ի Գլխավոր ասամբլեայի նստաշրջանի կուլիսներում ԱՄՆ նախագահ Բարաք Օբամայի հետ հանդիպումից հետո Թուրքիայի վարչապետ Էրդողանը հայտարարել է, որ ԱՄՆ-ը խոստացել է Թուրքիային Predator անօդաչու սարքեր մատակարարել: