Հռոմի պապը լվացել և համբուրել է փախստականների ոտքերը

Հռոմի պապ Ֆրանցիսկոսն այցելել է Հռոմի մերձակայքում տարբեր դավանանքի ներկայացուցիչներով, հիմնականում` քրիստոնյաներով և մուսուլմաններով բնակեցված` փախստականների ճամբար, որտեղ Սուրբ Զատիկի կապակցությամբ լվացել և համբուրել է նրանց ոտքերը։

Ըստ Al Jazeera-ի՝ ի տարբերություն նախորդ արարողությունների, որոնց  ժամանակ ընտրվում էր Հիսուսի 12 առաքյալներին խորհրդանշող 12 տղամարդ, այս անգամ Ֆրանցիսկոս պապի ջանքերով կարգը փոխվել է` արարողությանը մասնակցել են 8 տղամարդ և 4 կին։

Փախստականներից բացի, ճամբար են շտապել մարդիկ, ովքեր մեծ ցանկություն են ունեցել հանդիպելու Հռոմի պապի հետ: Ոմանք անգամ լուսանկարվել են նրա հետ: