Գյումրիի գազալցակայաններում գործադուլ են անում

Գյումրիում գործող գազալցակայաններն այսօր ժամը 11:00-ից սկսած չեն աշխատում: Ինչպես հայտնում է «Գալա»-ն, գազալցակայանների սեփականատերերը պայմանավորվածություն են ձեռք բերել ու գործադուլ հայտարարել, որը հավանաբար առաջիկա երեք օրերին եւս կշարունակվի:

Պատճառն, ըստ նրանց, այն է, որ աշխատանքը ձեռնտու չէ: Քաղաքի գազալցակայաններից մեկում որոշել են գազ վաճառել ցածր գնով: Վերջին օրերին մեկ խորանարդ մետր գազն այդ գազալցակայանում սահմանվել է անգամ 120 դրամ, ինչն էականորեն ազդել է քաղաքում գործող մյուս բոլոր գազալցակայանների աշխատանքի վրա, որտեղ գազի մեկ խորանարդի գինը տատանվում է 160-200 դրամի սահմաններում:

Մանրամասները` այստեղ: