Շենգավիթի համայնքում չի հաջողվում գույք օտարել. Հովիկ Աբրահամյանը զարմացած է

Այսօր կառավարության նիստում ՀՀ կառավարությանն առընթեր պետական գույքի կառավարման վարչության պետ Արման Սահակյանը ներկայացրեց գույք օտարելու մասին որոշում, ըստ որի` նախատեսվում է պետական գույքի կառավարման վարչությանն ամրացված  5 միավոր անշարժ գույքը ներկայացնել օտարման՝ մրցույթով:

«Այս 5 միավոր գույքը 2015թ.  ընթացքում ներկայացվել է օտարման՝ մրցույթով, կազմակերպվել են մի շարք մրցույթներ, որոնց ընթացքում դրանք չեն օտարվել հայտ չլինելու պատճառով: Հիմա նորից փորձում ենք օտարել»,- ասաց Արման Սահակյանը:

«Հիմա արժեքը նորից իջեցվելու է՞»,- հարցրեց Հովիկ Աբրահամյանը:

Արման Սահակյանը պատասխանեց, որ գույքի արժեքը առաջարկվում է իջեցնել  75 տոկոսով:

Հովիկ Աբրահամյանը հետաքրքրվեց. «Սա Շենգավիթի Արցախի փողո՞ցն է, որին հայտ չի ներկայացվել... Հետաքրքիր է»: