Աշոտյանի պաշտոնանկությունը նրա քաղաքական կարիերայի համար որևէ նշանակություն չունի. Խոսրով Հարությունյան

Արմեն Աշոտյանի պաշտոնանկությունը նրա քաղաքական կարիերայի համար, ըստ էության, որևէ նշանակություն չունի, որովհետև նա շարունակելու է մնալ որպես ազդեցիկ քաղաքական գործիչ Հանրապետական կուսակցությունում. այսօր լրագրողներին ասաց ԱԺ ՀՀԿ խմբակցության պատգամավոր Խոսրով Հարությունյանը` անդրադառնալով ԿԳ նախարար Արմեն Աշոտյանի հրաժարականի վերաբերյալ լուրերին: 

Ինչ վերաբերում է հեռանկարներին, ապա, պատգամավորի խոսքով,  նա ամենահաջող երիտասարդ կադրերից է:

«Աշոտյանը կրթության ոլորտում իր ամբողջ նախարարության շրջանում բավական էական, արմատական և ինստիտուցիոնալ բնույթի բարեփոխումներ է իրականացրել, և լավ կլինի, որ ով էլ գա Աշոտյանի փոխարեն, կարողանա շարունակել բարեփոխումները»,- ասաց Խոսրով Հարությունյանը: