Րաֆֆի Հովհաննիսյանը փոշիացրեց իր ողջ քաղաքական կապիտալը. Խոսրով Հարությունյան

ՀՀԿ խմբակցության պատգամավոր Խոսրով Հարությունյանն այսօր լրագրողների հետ հանդիպման ընթացքում անդրադարձավ  սահմանադրական բարեփոխումներին դեմ արտահայտվող քաղաքական ուժերին:

«Ես մեկ-երկու քննարկման եմ մասնակցել ընդդիմախոսների հետ, բայց ինձ մոտ ստեղծվել է այնպիսի տպավորություն, որ նրանք խոսում են այն նախագծի մասին, որին ծանոթ չեն, չեն կարդացել ու չեն ընդունում այ նպատճառով, որ իրենց առաջարկը չի ընդունվել»,- ասաց Հարությունյանը:

Խոսելով «Նոր Հայաստան» հանրային փրկության շտաբի գործունեության մասին, որը սահմանադրական բարեփոխումներին դեմ է, պատգամավորը նշեց, որ իրատեսական չի համարում նրանց գործունեությունը և չի մտահոգվում դրանով:  «Եթե մտահոգիչ է, ուրեմն՝ այդ քաղաքական գործիչների համար, որոնք տապալում են իրենց քաղաքական ապագան: Րաֆֆի Հովհաննիսյանն ուներ իդեալական հնարավորություններ՝ նախագահական ընտրություններից ուղղակի ստանձնել կառուցողական, ինստիտուցիոնալ առումով կենսունակ ընդդիմության լիդերի դերակատարումը, նա հրաժարվեց այդ հնարավորությունից, նա փոշիացրեց իր ողջ քաղաքական կապիտալը»,- ասաց նա: