Ստորագրահավաք` «Զվարթնոց» օդանավակայանի կլոր շենքի պահպանման համար

«Դեմ եմ «Զվարթնոց» օդանավակայանի` նախկինում շահագործվող շենքի որևէ քանդման աշխատանքներին» խորագրով ստորագրահավաք է սկսվել:

«Պահպանենք, պաշտպանենք հայերիս կողմից շատ սիրված, գեղեցիկ,  բարձր մտքի, գիտելիքի, ճարտարապետության մասին պատմող, պատմություն դարձած հայ մարդու կողմից կառուցած շինությունները, համալիրները, կառույցները, շենքերը, մշակութային արժեքները տեղ գտած մեր սրտերում: Իրար հետ, միասնական, փրկենք կառույցները: Գնահատենք այն ինչ ունենք, քանզի այդ քանդելը բերեց այսօրվան: Ժամանակն է պահպանելու այն, ինչը ունենալը մեզ տվել է պարծենալու առիթներ, փրկենք կառույցները, որոնք ծառայել ու ծառայում են մեզ: Արտահայտենք մեր աջակցությունը, մեր ձայնը այս ստորագրահավաքի միջոցով նույնպես»,- ասվում է ստորագրահավաքի հայտարարության մեջ:

Ստորագրահավաքին մասնակցելու համար այցելեք այստեղ: