Վրացական Airzena-ի հիմնադիրը նոր ավիաընկերություն է ստեղծում Հայաստանում

Airzena-ի հիմնադիր և տնօրենների խորհրդի նախկին նախագահ Թամազ Գաիաշվիլին և գլխավոր տնօրենի նախկին տեղակալ Ռոբերտ Հովհաննիսյանը նոր՝ Armenia ավիաընկերություն են ստեղծում Հայաստանում: Այդ մասին հայտնում է վրացական Коммерсант պարբերականը: 

Հայաստանի քաղավիացիայի գլխավոր վարչության մամուլի քարտուղար Ռուբեն Գրդզելյանը հաստատել է Armenia նոր ավիաընկերության ստեղծումը Հայաստանում: «Հաստատում եմ, որ  Armenia նոր ավիաընկերություն է ձևավորվում, սակայն մանրամասները դեռ հայտնի չեն, պաշտոնական տեղեկատվություն կտարածվի փետրվարին՝ մինչև գարուն»,- հայտարարել է նա:

Բանն այն է, որ վերջին շրջանում Airzena-ն խնդիրներ ունի վրացական շուկայում. թռիչքները դեպի Եվրոպա դադարեցվել են: Airzena-ի խնդիրները կապված են վրացական շուկայում ռուսական ընկերությունների դիրքերի ամրապնդման հետ: