Ադրբեջանում 90-ականներն են. աներևակայելի գներ, դատարկ խանութներ

Ադրբեջանում շարունակվում է տնտեսական ծանր վիճակը: Բաքվում արդեն փակվում են փոքր մթերային խանութներ, իսկ այն խանութներում, որոնք բաց են, աներևակայելի գներ են. գրում է ադրբեջանական haqqin.az-ը:

Կայքը նշում է, որ խանութները գրեթե դատարկ են, ամենակարևորը` հաց չկա: Իրավիճակը, ըստ կայքի, հիշեցնում է 90-ականները:

Տնտեսական և սոցիալական զարգացման կենտրոնի ղեկավար Վուղար Բայրամովը կայքի հետ զրույցում նշել է, որ մանաթի արժեզրկումը տոներից հետո ավելի է ազդել գործարարների վրա: Նա կոչ է արել Կենտրոնական բանկին`նվազագույնի հասցնել գործարարների վնասները, քանի որ նրանք բոլորը վարկեր ունեն, ընդ որում՝ դոլարով: Հակառակ դեպքում, ըստ նրա, երկրում կփակվեն առևտրի և ծառայությունների շատ կետեր: