Հաստատվեց չաշխատող կանանց մայրության նպաստ տալու կարգը

Կառավարությունն այսօր հաստատեց չաշխատող կանանց մայրության նպաստ տալու կարգը: Ըստ այդմ` հղիության և ծննդաբերության դեպքում անաշխատունակության թերթիկում, անկախ դրա տրման օրվանից, որպես ժամանակավոր անաշխատունակության սկիզբ նշվում է հղիության 210-րդ օրը:

«Եթե քաղաքացին անաշխատունակության թերթիկ ստանալու համար դիմում է հղիության արձակուրդի իրավունք ձեռք բերելուց հետո, ապա քաղաքացուն հատկացվող անաշխատունակության թերթիկում ժամանակավոր անաշխատունակության ժամանակահատվածի սկիզբը մնում է անփոփոխ»,- ասաց աշխատանքի և սոցիալական հարցերի նախարար Արտեմ Ասատրյանը:

Նախարարն ընդգծեց, որ իրականությանը չեն համապատասխանում  այն խոսակցությունները, թե մարտ ամսից նոր վճարելու են նպաստները:

Որոշումը ուժի մեջ կմտնի հունվարի 1-ից: