Հայ սուսերամարտիկներն ավարտեցին ելույթներն աշխարհի գավաթի խաղարկությունում

Սուսերամարտի Հայաստանի երիտասարդական հավաքականի երկու անդամները` Էդուարդ Օվիկյանը և Մայքլ Հովհաննիսյանը, մասնակցեցին աշխարհի գավաթի խաղարկության հերթական փուլին: 

Էդուարդ Օվիկյանը (խոցասուսեր) խմբային փուլում տոնեց 3 հաղթանակ՝ դառնալով 128 լավագույններից մեկը: Այնուհետև կարողացավ հաղթել Իսպանիայի ներկայացուցչին, սակայն պարտվեց ռուս սուսերամարտիկին: Օվիկյանին հաջողվեց հաղթահարել երկու փուլ միայն: Այս մրցաձևում մասնակցում էին 278 մարզիկ՝ աշխարհի տարբեր երկրներից. հաղորդում է ՀԱՕԿ պաշտոնական կայքը:

Մայքլ Հովհաննիսյանը (ճկասուսեր) խմբային փուլում տարավ 4 հաղթանակ: Նրան հաջողվեց դառնալ 64 լավագույններից մեկը, բայց պարտվեց ճապոնացի մարզիկին: Հովհաննիսյանը կարողացավ օլիմպիական խաղերի վարկանիշային 2 միավոր ձեռք բերել:

Սուսերամարտիկների համար տարին ավարտված է: 2016 թվականին հունվարին կկայանա սուսերամարտի Հայաստանի առաջնությունը: