Սպասվում է տեղումնառատ, բայց տաք ձմեռ

Այս տարի սպասվում է տեղումնառատ, բայց տաք ձմեռ. լրագրողների հայտնեց ՀՀ ՏԿԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը:

Ըստ նրա` հունվար-փետրվար ամիսներին օդի ջերմաստիճանը կլինի նորմայից մի փոքր բարձր, իսկ տեղումների քանակը` նորմայից ավելի: «Դեկտեմբեր ամսի առաջին կեսին Երևանում ցերեկվա ժամերին սպասվում է +8  +10 աստիճան տաքություն, իսկ երկրորդ կեսին` -12 -15 աստիճան ցուրտ»,- ասաց Սուրենյանը:

Նա նշեց նաև, որ, տաք ձմեռ ասելով, ամենևին էլ նկատի չունի, որ լինելու է գարնանային եղանակ, և հորդորում է գյուղատնտեսներին` այգաթաղ անել:

Ի դեպ, այս տարի, ըստ Սուրենյանի, 4 ռեկորդ ենք ունեցել` տաք ձմեռ և ամառ, խոնավ հոկտեմբեր և նոյեմբերի 12-ին Վանաձորում արձանագրված քամու պոռթկումը: