Տաք ձմեռ, խոնավ գարուն. տաք ամառ, չոր աշուն

Մարինե ՀԱԿՈԲՅԱՆ

«Հայպետհիդրոմետը» դեռևս առաջին ձյան կանխատեսումներ չունի: Առաջիկա շաբաթվա ընթացքում եղանակային էական փոփոխություններ չեն սպասվում: Առաջիկա տասն օրերի կանխատեսումներով` հանրապետությունում միջին օրական ջերմաստիճանը նորմայից բարձր է +7-8 աստիճանով:

«Մինչև դեկտեմբերի 13-ը սպասվում է առանց տեղումների եղանակ: Չի բացառվում, որ այս ամսվա տեղումների քանակը բաժին ընկնի ամսվա երկրորդ կեսին: Հունվար-փետրվար ամիսներին օդի ամսական ջերմաստիճանը կլինի նորմային մոտ, մարտին`բացասական շեղումներով»,- հայտնեց «Հայպետհիդրոմետ» օթերևութաբանական ծառայության ղեկավար Զարուհի Պետրոսյանը:

Նա նաև փաստեց, որ այս տարվա եղանակը էականորեն տարբերվում է մյուս տարիների եղանակից. «Ունեցանք՝ տաք ձմեռ, խոնավ գարուն, հետո`տաք ամառ և չոր աշուն»:

Նա նաև տեղեկացրեց, որ հովտային շրջաններում, մասնավորապես՝ Իջևանում, տաք միկրոկլիմայական պայմաններում հոնի ծառերը ծաղկել են, բայց վտանգ չկա՝ հոնը տարին երկու անգամ է բողբոջում:

Ի դեպ, եղանակային կանխատեսումները 65 տոկոսով են իրականություն դառնում: