Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Ուկրաինան Կանադայից կստանա NASAMS հակաօդային պաշտպանության համակարգը
10 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
11 ժամ առաջ Քաղաքական
Միջազգային քրեական դատարանը Բենիամին Նեթանյահուին և Յոավ Գալանտին ձերբակալության օրդեր է տվել
12 ժամ առաջ Աշխարհ
Նոր որոշումով 50.000-ի փոխարեն՝ 40.000. Արցախի հարցը իշխանության համար փակված է. դիտարկում
12 ժամ առաջ Քաղաքական
Բելգիացի քաղաքական գործիչները և խորհրդարանականները, հընթացս COP 29-ի, հայտարարություն են ուղղել Ադրբեջանի և Բելգիայի կառավարություններին
13 ժամ առաջ Քաղաքական
Փաշինյանի կառավարությունը պետք է չքվի՛ մեր երկրից իր որոշումների հետ միասին. քաղաքացիների կարծիքը՝ հարկերի բարձրացման մասին
13 ժամ առաջ Հասարակություն
Փաշինյանը չի կարողանում լուծել ռեբուսը․ արդյոք ինքը մեղավո՞ր է, թե՞ պատասպանատու․ Վլադիմիր Մարտիրոսյան
14 ժամ առաջ Քաղաքական
Միասնական ընդունելության քննությունների արդյունքում ագրարային համալսարանում կրկին արձանագրվել են խայտառակ արդյունքեր
14 ժամ առաջ Հասարակություն
Բավարար չէ ասել, որ Նիկոլը «մերկ» է. պետք է հիմնավորել, որ նա «տգեղ» է․ Արմեն Աշոտյան
14 ժամ առաջ Քաղաքական
Լյուքսեմբուրգի Պատգամավորների պալատն Ադրբեջանից պահանջում է անհապաղ և առանց նախապայմանների ազատ արձակել անօրինական կերպով բանտարկված բոլոր անձանց
16 ժամ առաջ Իրավական

0 դիտում,

9 տարի առաջ - 2015-11-04 21:29

Հասարակություն

Սերժ Սարգսյան ընդունել է Հայկազյան համալսարանի նախագահին

ՀՀ Նախագահ Սերժ Սարգսյան այսօր ընդունել է Հայկազյան համալսարանի նախագահ Փոլ Հայդոսթյանին:

Այս մասին հայտնում են ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից։

Հանդիպման սկզբում Նախագահը նախ շնորհավորել է սփյուռքի նշանավոր կրթօջախներից մեկի, Լիբանանում պետական ճանաչման արժանացած միակ հայկական բարձրագույն ուսումնական հաստատության` Հայկազյան համալսարանի 60-ամյա տարեդարձի կապակցությամբ, նշելով, որ Հայկազյան համալսարանի ավելի քան կեսդարյա հայրենանպաստ ու հայապահպան գործունեությունը հպարտության զգացում է պարգևում յուրաքանչյուր հայի: Սերժ Սարգսյանը բարձր է գնահատել Փոլ Հայդոսթյանի անձնական ներդրումը Համալսարանի և սփյուռքահայ տարբեր կրթօջախների փոխհարաբերությունների զարգացման գործում, ինչը, Նախագահի գնահատմամբ, նպաստում է ոչ միայն տվյալ կրթական հաստատությունների, այլև միջհամայնքային կապերի սերտացմանը:

Սերժ Սարգսյանը գոհունակությամբ է նշել, որ վերջին տարիներին ակտիվացել է Հայկազյան համալսարանի համագործակցությունը հատկապես ԵՊՀ-ի հետ, սակայն Հայաստանի այլ կրթօջախների և գիտական հաստատությունների հետ ևս փոխգործակցությունը, Նախագահի համոզմամբ, պատկառելի ներուժ ունի, որն անհրաժեշտ է լիարժեք օգտագործել:

Երկուստեք կարևորվել է ուսանողների փոխանակման և փոխայցելությունների ծրագրերի իրագործումը, որը սփյուռքահայ ուսանողներին հնարավորություն է ընձեռում ԵՊՀ–ում և հայաստանյան այլ գիտակրթական հաստատություններում մասնագիտանալու հայագիտության, սփյուռքագիտության, ցեղասպանագիտության, ինչպես նաև արաբագիտության ասպարեզներում, իսկ Հայաստանի ուսանողներին՝ սփյուռքն անմիջականորեն ճանաչելու և ընտրած ոլորտում մասնագիտական հմտություններ ձեռք բերելու:

Զրուցակիցները ջերմությամբ են հիշել 2012թ. ՀՀ Նախագահի Լիբանան կատարած պաշտոնական այցի շրջանակներում Նախագահ Սերժ Սարգսյանի այցելությունը Հայկազյան համալսարան:

Հանրապետության Նախագահը վստահեցրել է, որ Հայաստանում մշտապես պատրաստ են օժանդակել Հայկազյան համալսարանին, երբ կրթօջախը դրա անհրաժեշտությունն ունենա:

Փոլ Հայդոսթյանը շնորհակալություն է հայտնել Նախագահին՝ ջերմ հյուրընկալության, Համալսարանի նկատմամբ հոգատար վերաբերմունքի, ինչպես նաև Հայաստան-Սփյուռք կապերի ամրապնդման ուղղությամբ հետևողականորեն իրականացվող պետական քաղաքականության համար: