ՌԴ-ն անթերի է համարում Ադրբեջանում անցած ընտրությունները, Արևմուտքը` քննադատում

Ռուսաստանի Պետդումայի ԱՊՀ հարցերի հանձնաժողովի նախագահ Լեոնիդ Սլուցկին, ով ղեկավարում էր ՌԴ դիտորդական առաքելությունը, անթերի է անվանել Ադրբեջանում երեկ կայացած խորհրդարանական ընտրությունները. հայտնում է РИА Новости-ն:

«Ադրբեջանի հետ մեր ընդհանուր պատմության մեջ առաջին անգամ կարող ենք փաստել, որ կայացան  Միլի Մեջլիսի անթերի ընտրություններ»,- հայտարարել  է նա Բաքվում ասուլիսի ժամանակ:

Միևնույն ժամանակ Արևմուտքը խիստ քննադում է  Բաքվին:

Խախտումների և դեմոկրատական չափանիշներին չհամապատասխանելու մասին նյութերով են հանդես եկել գերմանական Deutsche Welle-ն, Reuters-ը, Human Rights Watch-ը և Amnesty International-ը: