Քիչ անց հայտնի կդառնա` ցմահ դատապարտված Սողոմոն Քոչարյանն ազատ կարձակվի՞, թե՞ ոչ

Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանը հեռացավ խորհրդակցական սենյակ` իրանահպատակ ադրբեջանցու սպանության համար ցմահ ազատազրկման դատապարտված ազատամարտիկ Սողոմոն Քոչարյանի` հիվանդության հիմքով վաղաժամ ազատ արձակվելու միջնորդագրի վերաբերյալ որոշում կայացնելու:

Մինչ այդ քրեակատարողական հիմնարկի ներկայացուցիչը միջնորդագիր ներկայացրեց, որում նշված էին Քոչարյանի հիվանդություններն ու նրան պայմանական վաղաժամկետ ազատ արձակելու հիմքերը: Այս կապակցությամբ դատախազն անսպասելի դիրքորոշում հայտնեց` նշելով, որ միջնորդագիրը հիմնավոր է և ենթակա է բավարարման:

Քոչարյանը ներկայումս գտնվում է «Սուրբ Գրիգոր Լուսավորիչ» բժշկական կենտրոնի սրտաբանական բաժանմունքում:

Նա մահապատժի է դատապարտվել 1995թ.՝  Իրանի Իսլամական Հանրապետության քաղաքացուն Հայաստանում սպանելու համար, սակայն հետո պատիժը փոխարինվել էր ցմահ ազատազրկմամբ:

Դատավոր Մնացական Մարտիրոսյանի որոշումը կհրապարակվի քիչ անց: