Թուրքական թերթը չի բացառում՝ Սիրիայի նախագահը Մոսկվա է հասել Հայաստանի օդային տարածքով

Սիրիայի նախագահ Բաշար ալ Ասադի այցը Մոսկվա շարունակում է մնալ թուրքական մամուլի ուշադրության կենտրոնում:

Թուրքական Hurriyet թերթն անգամ հարց է բարձրացրել, թե ինչպե՞ս է Ասադը հասել Մոսկվա: Թերթի ներկայացրած տարբերակները երեքն են:

1. Ինքնաթիռն անցել է Իրաք-Իրան օդային ճանապարհը, ապա՝ Հայաստանի և Վրաստանի վրայով հասել Ռուսաստան։

 2. Իրաք-Իրանի ուղերթից հետո թուրքական պետությունների վրայով մտել է Ռուսաստանի օդային տարածք։

 3. Ամենաանհավանական տարբերակը՝ Միջերկրական ծովն անցնելով՝ ինքնաթիռը եվրոպական երկրների օդային տարածքով և Սև ծովով հասել է Ռուսաստան։

Հիշեցնենք, որ Թուրքիայի վարչապետ Ահմեդ Դավութօղլուն Ասադի` Մոսկվա այցի մասին ասել է. «Ասադի՝ Մոսկվա այցից պարզ է դառնում, որ Ռուսաստանն աջակցում է այդ ռեժիմին: Ի՞նչ ասենք, երանի նա ավելի երկար մնար Մոսկվայում, գոնե սիրիացի ժողովուրդը փոքր-ինչ կհանգստանար: Կամ էլ` երանի նա հավերժ մնար այնտեղ, և անցումային ժամանակաշրջան սկսվեր»:

Ի դեպ, թուրքական թերթը նշում է, որ պատերազմի սկզբից ի վեր՝ 5 տարվա ընթացքում, սա Ասադի առաջին արտերկրյա այցն է, որի մասին հայտնի է դարձել։