Թուրքական իշխանամետ թերթը կոչ է անում վերականգնել իսլամական խալիֆայությունը

Թուրքական իշխանամետ Gerçek Hayat օրաթերթը կոչ է արել վերականգնել իսլամական խալիֆայությունը: Օրաթերթը, որը հայտնի է Թուրքիայի նախագահ Ռեջեփ Թայիփ Էրդողանի հետ սերտ կապերով և մաս է կազմում «Ալբայրաք Մեդիա Գրուբու» հոլդինգին, հուլիսի 27-ից օգոստոսի 2-ը հոդված է հրապարակել՝ շապիկին հետևյալ վերնագրով. «Եթե ոչ հիմա, ապա ե՞րբ: Եթե ոչ դու, ապա ո՞վ: Միավորվեք հանուն խալիֆայության»:

Թերթի շապիկը սոցցանցի էջում տեղադրվել է թուրք ազգայնական «Yeni Akit» թերթի սյունակագիր Աբդուրահման Դիլիփաքոյի կողմից՝ առանց որևէ մեկնաբանության:

Իշխող «Արդարություն և զարգացում» կուսակցության պատգամավոր Մեհմեթ Մեթիները, վկայակոչելով թերթի շապիկը, այն անվանել է սադրանք` Հագիա Սոֆիայի մզկիթի վերափոխման ֆոնին: