Ադրբեջանն արգելել է ՆԱՏՕ-ի օդանավերի թռիչքն իր օդային տարածքով. Spiegel

Գերմանիայի բունդեսվերի զինվորականները չեն կարողանում օգտվել երկրի ԶՈւ օդանավերից  Աֆղանստան թռչելու համար և ստիպված են շահագործել ամեիկյան C-17 ռազմատրանսպորտային օդանավերը: Այդ մասին, ըստ Minval.az-ի, հայտնում է Spiegel ամսագիրը:

Ըստ պարբերականի` նման իրավիճակ ստեղծվել է այն պատճառով, որ Ադրբեջանն արգելել է ՆԱՏՕ-ի օդանավերի թռիչք իր օդային տարածքով: Նշվում է, որ բունդեսվերի օդանավերը ստիպված են եղել մարտի վերջին չեղարկել Մազարի–Շարիֆ թռիչքը:

Բունդեսվերի հաշվետվությունում ասվում է, որ Գերմանիայի ՌՕՈւ մի շարք թռիչքներ դադարեցվում են մինչև ապրիլի վերջը Ադրբեջանի հետ վեճի պատճառով: Ասվում է նաև, որ սա առաջին դեպքը չէ, երբ ՆԱՏՕ-ի օդանավերը նման խնդրի առաջ են կանգնում. 2011-ին իր օդային տարածքը փակել էր Իրանը: