Ազատամարտիկների բնակարանային խնդիրների լուծումն արդեն զավեշտի է վերածվում

Արդեն զավեշտի է վերածվում ազատամարտիկներին բնակարանային պայմաններով ապահովելու խնդիրը. այսօր լրագրողներին ասաց «Ազատամարտի և զորացրված զինծառայողների իրավունքների պաշտպանություն» միության նախագահ Ռազմիկ Ռուշանյանը:

Նա նշեց, որ մի շարք ազատամարտիկներ սպասում են` մինչև իրենց հերթը հասնի և բնակարան ունենան, թեև չգիտեն էլ` կհասնի՞ երբևէ իրենց հերթը:

«Նախորդ տարի նախագահն ասաց, որ 3 մլրդ դրամ է տրամադրելու` այդ հարցի լուծման համար, բա ի՞նչ եղավ այդ գումարը»,-ասաց Ռուշանյանն ու հավելեց, թե նման վերաբերմունքը ներկայիս զինծառայողների շրջանում կասկած է առաջացնում սեփական ապագայի հանդեպ:

Ռուշանյանը նշեց նաև, որ ազատամարտիկներն ունեն սոցիալական խնդիրներ, որոնց ոչ ոք ուշադրություն չի դարձնում, իսկ սա արդեն վերաբերմունք է նրանց հանդեպ: