Հայաստանի ժողովրդին շատերը կնախանձեն. Հովիկ Աբրահամյան

Այսօր Երևանում տեղի է ունեցել «ԱրմԹեք» Հայաստանի բարձր տեխնոլոգիաների 8-րդ գործարար համաժողովը, որին մասնակցում էր նաև ՀՀ վարչապետ Հովիկ Աբրահամյանը: Նա իր ելույթում նշեց, որ թեև Հայաստանը չափերով փոքր երկիր է,  բայց ունի հզոր ժողովուրդ, որին շատերը կնախանձեն:

Վարչապետի խոսքով` ամենամյա այս միջոցառումը կարևոր հարթակ է նորանոր տեխնոլոգիաների տարածման, ինչպես նաև ոլորտի ձեռքբերումների ներկայացման համար: Նա նշեց, որ Հայաստանում ներկայումս գործում են տեղեկատվական տեխնոլոգիաների այնպիսի կենտրոններ, ինչպիսիք են «Սինոփսիս»-ը, «Մայքրոսոֆթ»-ը:

 «Մենք շատ կարևորում ենք տեղեկատվական տեխնոլոգիաների ոլորտի կադրերի պատրաստումը, և վերջին տանրիներին ստեղծվել են համապատասխսն ուսումնական կենտրոններ որակյալ մասնագետների պատրաստման համար»,- ասաց Հովիկ  Աբրահամյանը և հավելեց, որ կառավարությունը հետևողական աշխատանք է կատարում ՏՏ ոլորտը զարգացնելու համար:

Նա խոսեց տեխնոլոգիական ձեռներեցության խթանմանն ուղղված կառավարության պատրաստակամության մասին: «Մենք հետևողականորեն շարունակելու ենք ՏՏ ոլորտը զարգացնող քաղաքականությունը: Արդյունավետ և բեղմնավոր աշխատանք բոլորիդ»,- ասաց Հովիկ Աբրահամյանը: